منـــــزل الحقـــــرآآآآن>>>>>>>

ابشر ابشر ما على هالراس كـــايد

من طلع رجم المفارق مــادعيته

بنت حر والأحرار الهاا عــوايد

منــزل الحقران اشوم ولا دنيته

ماعلى المقفي من المنقود عــــايد

من بغى يقفي فيقفي مــانهيته

والله أن مايلحقه مني نقـــايد

ينتهي ليل المفارق ماسريته

هيه ياللي تحسب وصللك وقـــايد

جمر وصللك من عرفتك مــادفيته
صديت لكن للأسف ويش انت صـايد؟

دسم الشارب بصيدك لا خذيته
شرهتي ما أسوقها لإنسان نـــايد

وبرجي العاجي تموت ومـــارقيته
الردي ماينصي وقت الشدايد

والسنافي مـــايقفل بـــاب بيته
قلت للك مليون مرة يا مزايد

تبطي وجيبي عشانك مافريته
انتبه وإن طعنتي خللك محــايد

الثمر ماهوب للك ياللي رميته
لاتظنك بالرجاجيل الفرايد

شفت فيك الرجل لكن مــارأيته
يكفي اني راسي ماللك فالقصايد

لجل عيني كل طاروق بنيته
إلا انا لبستك الشهرة قلايد

وضوءك اللي تلبسه مني ارتديته
آآآه يالبــى اللي يسوي بدايد

شخص واحد بس هو اللي فديته
أطوي ماضينا مثل طي الجرايد

واعتبر ماصار حادث ما قريته
استرح والله بتكبير الوســـــــايد

والله والله والله كل من يقفي نسيته

ودمتم بحب

صح السانك ..